შსს-ს სასაზღვრო პოლიციის N1 სამმართველოს (ბათუმი) და საგამოძიებო-ოპერატიული მთავარი სამმართველოს თანამშრომლებმა, ერთობლივად ჩატარებული ოპერატიულ-საგამოძიებო ღონისძიებების შედეგად, საზღვრის უკანონოდ გადაკვეთის მცდელობის ბრლადებით, სირიის რესპუბლიკის მოქალაქე, 1979 წელს დაბადებული, ნავაფ ა. ხელვაჩაურის რაიონის სოფელ სარფში დააკავეს.
გამოძიებამ დაადგინა, რომ დაკავებული სარფში, სასაზღვრო გამშვები პუნქტის გვერდის ავლით, საქართველოს სახელმწიფო საზღვრის უკანონოდ გადაკვეთას და თურქეთის რესპუბლიკაში გადასვლას ცდილობდა.
გამოძიება საქართველოს საზღვრის უკანონოდ გადაკვეთის მცდელობის ფაქტზე მიმდინარეობს (საქართველოს სსკ-ს 19-344-ე მუხლის 1 ნაწილით).გამოძიებას სასაზღვრო პოლიციის საგამოძიებო-ოპერატიული მთავარი სამმართველო აწარმოებს.
მასალის გამოყენების პირობები
