16 ივნისს, 15:00 საათზე, საქართველოს კულტურისა და ძეგლთა დაცვის სამინისტროში, მწერალ გივი ალხაზიშვილის კრებულის პრეზენტაცია გაიმართება.
ღონისძიებას დაესწრებიან მწერლის მეგობრები, საზოგადო მოღვაწეები, კულტურის სფეროს წარმომადგენლები.
გივი ალხაზიშვილის კრებულში შესულია ავტორის მიერ სხვადასხვა დროს დაწერილი ესეები, წერილები, რეცენზიები, ჩანაწერები, ლიტერატურული ნარკვევი, მიმოწერა ამერიკის კათოლიკური უნივერსიტეტის პროფესორ ვერჯილ ნემოიანუსთან და ასევე, სხვა დიალოგები და ინტერვიუები.
