უკრაინული ჯარი კონტრშეტევაზე გადავიდა,- განცხადება ამის შესახებ უკრაინის პრეზიდენტმა პეტრო პოროშენკომ გააკეთა. მისი თქმით, უკრაინელმა სამხედროებმა ტერორისტების შევიწროება დაიწყეს. განცხადებები ამის შესახებ პოროშენკომ უკრაინის მოსახლეობისადმი მიმართვისას გააკეთა.
„თავის მხრივ ყველა გმირის წინაშე, რომელიც უკრაინის სახელმწიფო საზღვრის აღდგენისათვის მიმდინარე ოპერაციის მსვლელობისას დაიღუპა. ამავე დროს მე ვამაყობ უკრაინელი სამხედრობით. ისინი აგრძელებენ ბრძოლას იმისათვის, რომ ჩვენს მიწაზე მშვიდობამ დაისადგუროს",_ განაცხადა პოროშენკომ.
მას ასევე აღნიშნა, რომ ლუგანსკში თვითმფრინავის ჩამოგდების შედეგად დაღუპულებზე მწუხარება და თავისი თანაგრძნობა უკრაინის მიმართ მსოფლიოს ყველა წამყვანმა სახელმწიფოს ლიდერმა გამოთქვა.
უკრაინის პრეზიდენტმა ასევე ხაზგასმით აღნიშნა, რომ ბოლო 24 საათის განმავლობაში უკრაინის შეიარაღებული ძალები უკვე კონტრშეტევაზე არიან გადასულნი.
„მხოლოდ უკანასკნელი ოთხის დღის განმავლობაში სპეცოპერაციის ჩატარების ფარგლებში მშვიდობამ დაისადგურა მარიუპოლში. კონტროლის ქვეშ აღებულია უკრაინის სახელმწიფო საზღვრის 245 კილომეტრიანი მონაკვეთი. დონეცკისა და ლუგანსკის რამდენიმე დასახლებულ პუნქტში სრულიად აღკვეთილია ბოევიკების საქმიანობა. მთლიანად ტერორისტებისაგან გაწმენდილია 11 დასახლებული პუქნტი.
გასული დღეღამის განმავლობაში ჩვენი სახელმწიფოს ტერიტორიაზე შემოღწევის მცდელობისას განადგურებულია 7 საავტომობილო კოლონა, რომლებსაც იარაღი, საბრძოლო მასაა, რამდენიმე ტანკი და ჯავშანმანაქანა შემოჰყავდათ. ასევე განადგურებულია ზალპური ცეცხლის რეაქტიული სისტემა და „გრადი"",_ განაცხადა პოროშენკომ და აღნიშნა, რომ ამჟამად მან სამხედროების წინაშე დააყენა უპირველესი ამოცანა კონტროლის ქვეშ აიღონ უკრაინის სახელმწიფო საზღვრის ის მონაკვეთ, რომლიდანაც ტერორისტები ტექნიკას, დამხმარე ძალას, იარაღსა და ფულს იღებენ.
„ორშაბათს მე უშიშროების საბჭოს სხდომას მოვიწვევ, პირველი განსახილველი საკითხი მასზე უკრაინის სახელმწიფო საზღვრის დაცვა იქნება, მეორე კი მშვიდობიანი გეგმის დონბასის მიმართ ამოქმედება", განაცხადა უკრაინის პრეზიდენტმა.
