,,ნაცმოძრაობის" წევრი და ზუგდიდის გამგებლობის კანდიდატი, თენგიზ გუნავა პრემიერ-მინისტრ ირაკლი ღარიბაშვილს უჩივის.
გუნავამ ღარიბაშვილის წინააღმდეგ საჩივარი სამეგრელო-ზემო სვანეთის პროკურატურაში დღეს შეიტანა.
გუნავა პრემიერ-მინისტრის მიერ მის მიმართ გაკეთებული განცხადების თაობაზე გამოძიების დაწყებას მოითხოვს.
შეგახსენებთ, რომ პრემიერ-მინისტრი ირაკლი ღარიბაშვილი თავდაცვის სამინისტროს დაზვერვის დეპარტამენტის ოფიცრის პაატა ქარდავას საქმის გახსნას გამოეხმაურა და აღნიშნა, რომ ამ საქმეში თენგიზ გუნავაც ფიგურირებს.
