7-9 ოქტომბერს უზბეკეთში, ქალაქ ტაშკენტში, საგამოფენო ცენტრ "Uzexpocentre"- ში მე-20 საიუბილეო საერთაშორისო ტურისტული გამოფენა - "ტურიზმი აბრეშუმის გზაზე" გაიმართება. აღნიშნულ გამოფენაში მონაწილეობას იღებს საქართველოც.
"ტურიზმი აბრეშუმის გზაზე" არის ერთ-ერთი უდიდესი საერთაშორისო ტურისტული ღონისძიება ცენტრალურ აზიაში, რომელსაც მხარს უჭერეს მსოფლიო ტურიზმის ორგანიზაცია (UNWTO), ეროვნული კომპანია "Uzbektourism"- ი, საგარეო ეკონომიკური ურთიერთობების სამინისტრო, უზბეკეთის რესპუბლიკის საინვესტიციო და სავაჭრო ორგანიზაცია, უაბეკეთის კულტურისა და სპორტის სამინისტრო, კერძო ტურისტული სააგენტოების ასოციაცია და ქალაქ ტაშკენტის ადმინისტრაცია.
გასულ წელს მეცხრამეტე ტაშკენტის საერთაშორისო ტურისტულ გამოფენას ესწრებოდა 655 ტურუსტული სააგენტო (მათგან 65, 24 სხვადასხვა ქვეყანას წარმოადგენდა), 12,000 ვიზიტორი, 1 500-ზე მეტი გამოფენის მონაწილე.
გამოფენის ფარგლებში განხორციელდება სპეციალური პროგრამა "Hosted buyers" და შეიქმნა ახალი სექცია "The great silk road", რომელიც შესაძლებლობას მისცემს პროექტის წევრებს წარმოადგინონ ტურისტული პროდუქტები.