მოდულის შენობაში, გვიან ღამით, ერთი საათის განმავლობაში იკითხებოდა თავდაცვის სამინისტროს ყოფილი მაღალჩინოსანი ოთარ ბაზაძე.
იგი ბაჩო ახალაიას პერიოდში შესყიდვების სამსახურს კურირებდა.
ოთარ ბაზაძე მოდულის შენობაში დასაკითხად მაშინ გადაიყვანეს, როცა საცოლესთან ერთად ქალაქში მოძრაობდა.
მოდულის შენობასთან გვიანობამდე იმყოფებოდნენ ბაზაძის ახლობლებიც.
მათი განმარტებით, ბაზაძე უკვე რამდენჯერმე დაკითხა. თავდაცვის სამინისტროს ყოფილი მაღალჩინოსნის ახლობლები პოლიტიკურ მოტივზე საუბრობენ და მომხდარს თავდაცვის ყოფილ მინისტრს ბაჩო ახალაიას უკავშირებენ.
ჯერჯერობით, უცნობია რა საქმესთან დაკავშირებით დაიკითხა ბაზაძე.
