მიმდინარე წლის 10 ივნისს, ფინანსთა მინისტრი ნოდარ ხადური შეხვდა საერთაშორისო სავალუტო ფონდის ტექნიკური მისიის წევრებს, რომლებიც ფინანსთა სამინისტროს მოწვევით თბილისში ორი კვირის განმავლობაში იმყოფებოდნენ.
მისის წევრებმა ფინანსთა სამინისტროს წარმომადგენლებთან შეხვედრაზე მიმოიხილეს ქვეყნის საგადასახადო პოლიტიკა და განიხილეს ის ნაბიჯები, რომლებიც საშუალოვადიან პერიოდში უნდა გადაიდგას ჯანსაღი საგადასახადო სისტემის შექმნისთვის, რაც თავის მხრივ, ხელს შეუწყობს შემოსავლების სამართლიანად გადანაწილებას და ეკონომიკის ზრდას.
შეხვედრას დაესწრნენ ფინანსთა მინისტრის მოადგილეები დავით ლეჟავა და ლაშა ხუციშვილი, შემოსავლების სამსახურის უფროსი ირაკლი გვარამაძე, საგადასახადო პოლიტიკის დეპარტამენტის უფროსი მამუკა ბარათაშვილი და საერთაშორისო სავალუტო ფონდის მუდმივი წარმომადგენელი საქართველოში აზიმ სადიკოვი.
