,,ელიტ ელექტრონიქსში" სიახლეა. კომპანიამ საკუთარ მომხმარებლებს ქავთარაძის ქ. #1-ში, („გუდვილის" წინ) ახალი კონცეფციის მაღაზია უკვე შესთავაზა, სადაც კლიენტურას საკმაოდ კომფორტულ გარემოში მოემსახურებიან.
ახალი კონცეფციის მაღაზია 3000 კვადრატულ მეტრამდე ფართს მოიცავს, სადაც წარმოდგენილია საბავშვო სივრცე და კაფეტერია. „ელიტ ელექტრონიქსის" მაღაზიაში მისულ კლიენტს ბავშვების დატოვება საბავშვო ზონაში შეეძლება. აქვე შესაძლებელია არომატული ყავის მირთმევა და დაგემოვნება. ახალი კონცეფციის მაღაზიაში ექსკლუზიური ბრენდების ათასზე მეტი დასახელების საყოფაცხოვრებო ტექნიკის შეძენაა შესაძლებელი.
ასევე მხოლოდ სამი დღით, მაღაზიის გახსნასთან დაკავშირებით მომხმარებელს შეუძლია შეიძინოს: „ბოშის" მაცივარი 250 ლარიანი ფასდაკლებით, მხოლოდ 999 ლარად, „ჰიუნდაის" კონდიციონერები 4 წლიანი გარანტიით 549 ლარად და ერთი მეტრი დიაგონალის „ჰიტაჩის" ტელევიზორი 659 ლარად. გარდა ამისა მოცემულ მაღაზიაში მოქმედებს „ელიტ ელექტრონიქსის" მსოფლიო ჩემპიონატისათვის დაგეგმილი აქციები, რომელიც მიმდინარეობს კომპანიის მთელს ქსელში.
როგორც კომპანიის მენეჯმენტი აცხადებს, ახალი კონცეფციის მაღაზიის გახსნა იგეგმება ბათუმშიც.
„ანალოგიური კონცეფციის მაღაზია უკვე ფუნქციონირებს „თბილისი ცენტრალში" და რეგიონების მასშტაბით ანალოგიური მაღაზია გაიხსნება სავარაუდოდ ბათუმშიც. მსგავსი კონცეფციის მაღაზიის გახსნა კომპანიას საკმაოდ ძვირი უჯდე3ბა, თუმც კომპანია განვითარებას განაგრძობს და სამომავლოდ ინვესტიციების გაზრდასაც გეგმავს, რადგანაც ის ორიენტირებულია ზრდასა და განვითარებაზე"- აცხადებს „ელიტ ელექტრონიქსის" ხელმძღვანელი ლადო ჯობავა
„ელიტ ელექტრონიქსი" დღესდღეობით ტექნიკის ბაზარზე ყველაზე ფართო სავაჭრო ქსელითაა წარმოდგენილი. კომპანია საქართველოს მასშტაბით უკვე 35-მდე მაღაზიას ფლობს. „ელიტ ელექტრონიქსის" ქსელში 1200-მდე ადამიანია დასაქმებული, რომლებიც მუდმივად გადიან გადამზადების და კვალიფიკაციის ასამაღლებელ კურსებს.
„ელიტ ელექტრონიქსი" საქართველოს სამომხმარებლო ბაზარზე 18 წელია ფუნქციონირებს და მისი მიზანია მიაწოდოს თანამედროვე და ხარისხიანი პროდუქცია მომხმარებელს და შეუქმნას მაქსიმალურად კომფორტული გარემო მათ ვისაც სურს ტექნიკის შეძენა.
„ელიტ ელექტრონიქსი" გამოირჩევა საუკეთესო მომსახურებითა და ტექნიკის ფართო ასორტიმენტით. საუკეთესო პროდუქტი, ფართო და მუდმივი განახლებადი ასორტიმენტი, საგარანტიო და გაყიდვის შემდგომი მომსახურება, შეძენილი ნივთის ადგილზე მიტანა და მომსახურების მაღალი დონე - ყოველივე ეს განაპირობებს „ელიტ ელექტრონიქსის" დღევანდელ სახელსა და ადგილს საქართველოს სამომხმარებლო ბაზარზე.
