საქართველოს პრემიერ-მინისტრმა ირაკლი ღარიბაშვილმა ხიჭაურის წმინდა ტბელ აბუსერიძის სახელობის სასწავლო უნივერსიტეტის დახმარებისთვის ბიძინა ივანიშვილს მადლობა გადაუხადა.
როგორც მთავრობის მეთაურმს უნივერსიტეტის სტუდენტებთან შეხვედრისას განაცხადა, უნივერსიტეტს წლების განმავლობაში გვერდით უდგას ფონდი „ქართუ" და ბიძინა ივანიშვილი.
„ვიცი, ბატონ ბიძინას არ უყვარს იმ უზარმაზარი ქველმოქმედების შესახებ საუბარი, რასაც აკეთებს ქვეყნისთვის და ხალხისთვის. თუმცა არ შემეძლო არ აღმენიშნა, რომ აქ, მაღალმთიან აჭარაში, განათლების ხელშეწყობა კიდევ ერთხელ მიანიშნებს მის დამოკიდებულებასა და ღვაწლზე. მინდა თითოეული ჩვენგანის სახელით, კიდევ ერთხელ მადლობა ვუთხრა მას ამისთვის", - განაცხადა პრემიერ-მინისტრმა უნივერსიტეტის სტუდენტებსა და პროფესორ-მასწავლებლებთან შეხვედრისას.
