არასამთავრობო ორგანიზაცია „ადამიანი, კანონი, თავისუფლება", ცესკოს #187 განკარგულების საფუძველზე №1 მთაწმინდის, №2 ვაკის, №3 საბურთალოსა და №4 კრწანისის საოლქო საარჩევნო კომისიებში ადგილობრივი თვითმმართველობის არჩევნებზე დამკვირვებლად დარეგისტრირდა.
ორგანიზაციის მობილური ჯგუფები თვითმმართველობის არჩევნების დღეს თბილისში არსებულ სხვადასხვა უბანზე არჩევნების მიმდინარეობის პროცესს დააკვირდებიან და იმოქმედებენ კანონის სრული დაცვით, რათა არჩევნები ჩატარდეს მშვიდ და თავისუფალ გარემოში, ისევე როგორც ეს 2013 წლის საპრეზიდენტო არჩვენების დროს მოხდა. შესაბამისად, დარღვევების აღმოჩენის შემთხვევაში, ორგანიზაციის წევრები ფაქტის შესახებ ინფორმაციას მედიასაშუალებებსა და საერთაშორისო სადამკვირვებლო მისიებს დაუყოვნებლივ მიაწვდიან.
„ბოლო პერიოდში განვითარებული მოვლენები გვიტოვებს ეჭვის საფუძველს, რომ გარკვეული ჯგუფები პროვოკაციებისთვის ემზადებიან. დამოუკიდებელმა კანდიდატებმა, რომლებიც სხვადასხვა რეგიონში „ერთიან ნაციონალურ მოძრაობასთან" ალიანსში არიან შემჩნეულნი, ე.წ. „აქტივისტების" გამოყენებით შესაძლოა საარჩევნო უბნებზე დაძაბულობის შექმნა სცადონ.
მივმართავთ ყველა საარჩევნო სუბიექტს, იმოქმედონ კანონის ფარგლებში, რათა ამომრჩევლებს არ შეეზღუდოთ კონსტიტუციური უფლება".