საქართველოს შესახებ National Geographic ივრითზე ვრცელ სტატიას აქვეყნებს. საქართველოს კულტურას, ისტორიას, ტრადიციებს, ქართულ სამზარეულოსა და ტურისტულ მარშრუტებს ჟურნალში 16 გვერდი აქვს დათმობილი. სტატიის ავტორი მესტიის, უშგულის, ყაზბეგის, წყალტუბოსა და მცხეთის ტურისტულ მიმართულებებს მიმოიხილავს, განსაკუთრებულ ყურადღებას კი სვანეთს უთმობს.
„ ამბობენ, რომ აქ ნამდვილი ქართველები ცხოვრობენ, ისინი, რომლებიც არასდროს არავის დაუპყრია და არც არასოდეს არცერთ ერში არ შერეულან. მართლაც, მათ სულ სხვანაირი იერი აქვთ - მაღლები, ძლიერნი და ღია ფერის თვალებით. ამ რაიონში ყოველი სახლის გვერდით ქვის კოშკია აშენებული, რასაც მტრებისგან თავისდასაცავად და საკვების დასაგროვებლად და შესანახად იყენებდნენ. აქ სიდიდეს ნამდვლად აქვს მნიშვნელობა - ვისაც ძლიერი და შეძლებული ოჯახი ჰყავდა, მით უფრო მაღალი კოშკი ჰქონდა..."
„...ერთ-ერთი რეკომენდირებული მარშრუტი მესტიიდან სვანეთის შუა საუკუნეების დროინდელ სოფელ უშგულის მწვერვალამდეა, რაც მე-9 და მე-12 საუკუნეების თავდაცვითი კოშკების ღია ცისქვესა მუზეუმია, უშგული იუნესკოს მსოფლიო მემკვიდრეობის ძეგლადაა გამოცხადებული. უშგული ევროპაში ყველაზე მაღალი დასახლებული სოფელია, ეს ცოცხალი მუზეუმიაა, რომელიც განმარტოებულ, მივარდნილ და მკაცრ ადგილზე ასეული წლების მანძილზე შემონახულ ყოფა-ცხოვრებას წარმოგვიდგენს. უშგული საქართველოს უმაღლეს მწვერვალს, შხარას (5,068 მეტრი) გადაჰყურებს. ყველაფერი ჯერ კიდევ დათოვლილია, ჩვენ ჩვენი ჯიპებით ორი საათის განმავლობაში 40 კილომეტრი გამოვიარეთ და უთვლელ ორმოებიან გზაზე მივემგზავრებით. ეს გზა ზამთრის უმეტეს პერიოდში გადაკეტილია, აქ არც შემსვლელია და არც გამომსვლელი. მაგრამ ის სანახაობა, რაც ამ გზის დასასრულს გველის, ყველაფრად ღირს. ჩვენ სტუმრად ვიმყოფებით ციალა მარგველანის ვარდისფრად შეღებილ სახლში, რომელიც შუადღისთვის სტუმრებს არ ელოდა, მაგრამ მსუბუქ საუზმეს ნახშირიან ღუმელზე სწრაფად ამზადებს."
Nation Geographic-ის ჟურნალისტები საქართველოში ტურიზმის ეროვნული ადმინისტრაციის ორგანიზებით, 6-13 აპრილს, პრესტურის ფარგლებში იმყოფებოდნენ
