,,ნაცმოძრაობის" წევრის გიორგი ვაშაძის განცხადებით, რუსეთის პრეზიდენტი ვლადიმერ პუტინი საქრთველოს ყოფილ პრეზიდენტს მიხეილ სააკაშვილს პირად მტრად აღიქვამს და შესაძლებლობა, რომ ჰქონდეს მას ფიზიკურადაც გაანადგურებს.
,,პუტინი სააკაშვილს აღიქვამს, როგორც პირად მტერს. გამოძიება კი არა, სიამოვნებით ფიზიკურადაც გაანადგურებენ ამის შესაძლებლობა რომ ჰქონდეთ. რუსეთს რაც უნდა ის გააკეთოს და გამოიძიოს, მაგრამ იმედი მაქვს, მათი გამოძიების მასალებზე დაყრდნობით ჩვენი ხელისუფლება არ დაიწყებს გამოძიებას ახალი მუხლით",_ განაცხადა ვაშაძემ რუსული მედიით გავრცელებული ინფორმავიის შეფასებისას.
რუსეთის ფედერაციის საგამოძიებო კომიტეტის ინფორმაციით, არ არის გამორიცხული, რომ საქართველოს ექს-პრეზიდენტზე მიხეილ სააკაშვილზე საერთაშორისო ძებნა გამოცხადდეს. ინფორმაციას აის შესახებ რუსული მედია ავრცელებს.
„როგორც საგამოძიებო კომიტეტიდან მომავალი ინფორმაციიდან გახდა ცნობილი, საქართველოს ექს-მეთაურზე მიხეილ სააკაშვილზე სამხრეთ ოსეთში 6 წლის წინ მომხდარი ამბების გამო შესაძლოა საერთაშორისო ძებნა გამოცხადდეს",_ წერს რუსული მედია.
მათივე ინფორმაციით, სააკაშვილზე შესაძლო ძებნის გამოცხადების შესახებ განცხადება, საგამოძიებო კომიტეტის ოფიციალურმა წარმომადგენელმა ვლადიმერ მარკინმა გააკეთა და ასევე აღნიშნა, რომ პასუხისმგებლობაში შესაძლოა მიეცენ სახელმწიფოს სხვა ოფიციალური პირები, რომლებსაც მაღალი თანამდებობები ეკავათ და ისინი ვინც არიან ინიციატორები ე.წ. სამხრეთ ოსეთში მომხდარი კონფლიქტისა.
„შენი საშინელი მოქმედებებისა და მიზნებისათვის პასუხი უნდა აგო",_ მიიჩნევენ რუსეთის საგამოძიებო კომიტეტში.
