წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2014 წლის I კვარტალში 260 მლნ. აშშ დოლარი შეადგინა, რაც 2013 წლის I კვარტალის წინასწარ მონაცემებს 15 პროცენტით, ხოლო IV კვარტალის წინასწარ მონაცემებს 20 პროცენტით აღემატება.
2014 წლის I კვარტალში უმსხვილესი პირდაპირი უცხოური ინვესტორი ქვეყნების პროცენტულ სტრუქტურას გვიჩვენებს სექტორული დიაგრამა #2, რომლის მიხედვით პირველ ადგილზე ნიდერლანდები იმყოფება 28 პროცენტით, მეორეზე აზერბაიჯანი - 18 პროცენტით, ხოლო მესამეზე გაერთიანებული სამეფო - 13 პროცენტით.
უმსხვილესი სექტორების წილმა (განხორციელებული პირდაპირი უცხოური ინვესტიციების მიხედვით) 2014 წლის I კვარტალში 84 პროცენტი შეადგინა. ყველაზე მეტი პირდაპირი უცხოური ინვესტიცია საფინანსო სექტორში განხორციელდა და 89 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 34 პროცენტია. მეორე ადგილზე იმყოფება დამამუშავებელი მრეწველობა 46 მლნ. აშშ დოლარით, ხოლო მესამეზე - ტრანსპორტი და კავშირგაბმულობა 44 მლნ. აშშ დოლარით.
