საქართველოს ფინანსთა სამინისტროს საგამოძიებო სამსახურის თანამშრომლებმა, მარკირებას დაქვემდებარებული აქციზური საქონლის, აქციზური მარკის გარეშე გადაზიდვა - რეალიზაციის ფაქტზე, მოქალაქეები - გურამ ბაგაევი, ზვიად ნოზაძე და სამსონ კაჟაშვილი დააკავეს.
გამოძიებით დადგენილია, რომ დაკავებულებმა, ქ. გორის ტერიტორიაზე, ქართული აქციზური მარკის გარეშე გადაზიდეს და გაასაღეს, აქციზური მარკის სავალდებულო დართვას დაქვემდებარებული, დიდი რაოდენობით ალკოჰოლური სასმელები, კერძოდ: არაყი „ბელუგა." კონიაკი „ჰენესი" და ვისკი ,,ჯეკ დენიელსი".
მიმდინარეობს გამოძიება საქართველოს სისხლის სამართლის კოდექსის მე-200 მუხლის მე-3 ნაწილით, რაც ითვალისწინებს თავისუფლების აღკვეთას 6 დან 8 წლამდე ვადით.
