საქართველოს პრემიერ-მინისტრმა ირაკლი ღარიბაშვილმა ონის მუნიციპალიტეტის სოფელ სორის ხორცისა და რძის გადამამუშავებელი ახალი საწარმო დაათვალიერა.
ფერმერული მეურნეობის საქმიანობის შესახებ ინფორმაცია პრემიერს საწარმოს დამფუძნებლებმა და სოფლის მეურნეობის მინისტრმა შალვა ფიფიამ მიაწოდეს. საწარმოში პრემიერთან ერთად ასევე იმყოფებოდა შვეიცარიის ელჩი საქართველოში გიუნტერ ბეხლერი იმყოფებოდა.
საქართველოს მთავრობის მეთაურმა შვეიცარიის ელჩს აღნიშნული პროექტის განხორციელებაში შეტანილი წვლილისთვის მადლობა გადაუხადა.
ირაკლი ღარიბაშვილის შეფასებით, აღნიშნული მეურნეობა არა მხოლოდ რაჭაში, არამედ მთელ საქართველოში სამაგალითოა. როგორც პრემიერმა ჟურნალისტებთან საუბრისას აღნიშნა, საწარმო არის ნათელი მაგალითი, რისი მიღწევა შეიძლება დაუღალავი შრომით და სახელმწიფოსგან დამოუკიდებლად, ძალიან რთულ პირობებში.
ახალი მეურნეობა შვეიცარიული კომპანია ,,ბლაუნშტაინის" და ქართველი ბიზნესმენის, ირაკლი კერვალიშვილის კუთვნილებაშია. ისინი ასევე ფლობენ „შარდომეთის მესაქონლეობის ფერმას", რომელიც მეხორცე ჯიშების მოშენებასა და სახორცე მეურნეობაზეა ორიენტირებული და ხორცი ექსპორტზე ევროპაში გააქვს. ფერმაში 45 ადამიანია დასაქმებული.