საქართველოს პარლამენტის ევროპასთან ინტეგრაციის კომიტეტის ინიციატივით იგეგმება საქართველოს და ევროკავშირის ეკონომიკური ურთიერთობების ამსახველ წლიურ ანგარიშზე მუშაობის დაწყება, რომელიც 2014 წლიდან რეგულარულად მომზადდება და გამოიცემა. აღნიშნულთან დაკავშირებით საქართველოს პარლამენტის ევროპასთან ინტეგრაციის კომიტეტის აპარატის, საფინანსო-საბიუჯეტო კომიტეტის აპარატის, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის, ეკონომიკისა და მდგრადი განვითარების სამინისტროს, საგარეო საქმეთა სამინისტროს და სტატისტიკის ეროვნული სამსახურის ჩართულობით იგეგმება სამუშაო ჯგუფის ჩამოყალიბება.
2014 წლის 7-8 ივნისს ევროპასთან ინტეგრაციის კომიტეტის ინიციატივითა და ეროვნულ დემოკრატიული ინსტიტუტის მხარდაჭერით გაიმართება გასვლითი სამუშაო შეხვედრა წლიური ანგარიშის მომზადებაში ჩართულ სახელმწიფო უწყებების ხელმძღვანელი პირების და სამუშაო ჯგუფის წევრების მონაწილეობით.
შეხვედრაზე განხილული იქნება ზემოაღნიშნული სახელმწიფო სამსახურების მიმდინარე და დაგეგმილი პროექტები, ასევე ევროკავშირთან თანამშრომლობის და საქართველო-ევროკავშირის ეკონომიკური ურთიერთობების წლიური ანგარიშის მომზადებასთან დაკავშირებული საკითხები
მასალის გამოყენების პირობები
