9 ივნისს, 10:40 საათზე სასტუმრო „ამბასადორში" აკრედიტაციის საერთაშორისო დღისადმი მიღძვნილი კონფერენცია გაიმართება. კონფერენციის მიმდინარეობისას განიხილება აკრედიტაციის სისტემის როლი საქართველო-ევროკავშირს შორის თავისუფალი ვაჭრობის შეთანხმების შესახებ მოლაპარაკებების პროცესში.
კონფერენციის მიზანია, სახელმწიფო და შესაბამისობის შემფასებელი ორგანოების, მეწარმეთა და სხვა დაინტერესებულ მხარეთა ცნობიერების ამაღლება საქართველოს აკრედიტაციის სისტემის შესახებ. ამასთან, მასში განხორციელებულ სიახლეებზე, აკრედიტაციის მნიშვნელობასა და უპირატესობებზე, რეგულირებულ და არარეგულირებულ სფეროებში მის ინსტრუმენტად გამოყენებაზე.
კონფერენციის მუშაობაში მონაწილეობას მიიღებენ და სიტყვით გამოვლენ ევროკავშირის წარმომადგენლობის, ეკონომიკისა და მდგრადი განვითარების სამინისტროს, აგრეთვე აკრედიტაციის ცენტრის ხელმძღვანელი პირები.
ევროკავშირის მიერ დაფინანსებული კონფერენცია ორგანიზებულია PR სააგენტო „NobletMedia CIS"-ისა და საქართველოს აკრედიტაციის ერთიანი ეროვნული ორგანოს - აკრედიტაციის ცენტრის მიერ.
