შს მინისტრი ალექსანდრე ჭიკაიძე მარნეულში მომხდარ ინციდენტს ეხმიანება. როგორც მთავრობის სხდომის დასრულების შემდეგ ჭიკაიძემ განაცხადა ვინც მიიღო მონაწილეობა მარნეულში კრიმინალურ ქმედებებში, არჩევნების შემდეგ ყველა დაისჯება.
,,გუშინ მომხდარ ინციდენტზე გამოძიება დაიწყო. ვინაიდან გამოცხადებულია წინასაარჩევნო მორატორიუმი, არჩევნებამდე საგამოძიებო მოქმედებებს ჩავატარებთ, მაგრამ ვინც მანდ მიიღო მონაწილეობა კრიმინალურ ქმედებებში, არჩევნების შემდეგ ყველა დაისჯება" - განაცხადა ჭიკაიძემ.
ჭიკაიძის ინფორმაციით, მარნეულში ხულუგნობის ფაქტები დაფიქსირდა.
,,ჯერ ერთი, სხვის კუთვნილ ტერიტორიაზე უკანონოდ შეჭრა უკვე დარღვევაა და მეორეც, იქ დაფიქსირდა ხულიგნობის ფაქტი. ეს იყო ცსკ-ში შეჭრა. ცენტრალური საარჩევნო კომისიიდან დაგვიკავშირდნენ და გვითხრეს, რომ ხდებოდა ზეწოლა და ჩვენც შესაბამისად დავიწყეთ გამოძიება" - განაცხადა ჭიკაიძემ.
შეგახსენებთ, რომ მარნეულის საოლქო კომისიის თავმჯდომარესა და "ნაციონალური მოძრაობის" ლიდერებს შორის გუშინ სიტყვიერი დაპირისპირება მოხდა.
კომისიის თავმჯდომარემ "ნაციონალების" კანდიდატი რეგისტრაციიდან მოხსნა, მიზეზად კი საჭირო პროცედურების დარღვევა დაასახელა და აცხადებს, რომ ის საქართველოში ბოლო ორი წლის განმავლობაში არ ცხოვრობდა.
ოპოზიცია ხელისუფლებას ზეწოლაში ადანაშაულებს. მმართველ გუნდში კი ბრალდებებს აბსურდულს უწოდებენ და ამტკიცებენ, რომ პარტია მარნეულში კანონდარღვევით მოქმედებდა. დღეს კი ,,ნაციონალური მოძრაობა" მარნეულის საოლქო კომისიის გადაწყვეტილებას ცესკო-ში გაასაჩივრებას გეგმავს.
