,,არჩევნებისა და პოლიტიკური ტექნოლოგიების კვლევის ცენტრის" დირექტორი, იურისტი კახა კახიშვილი ,,ჯი-ეიჩ-ენთან" საუბარში იმედს გამოთქვამს, რომ პროკურატურა სასამართლოზე თავდაცვის სამინისტროს დაზვერვის ყოფილი ოფიცრის პაატა ქარდავას საქმეზე საკმარის მტკიცებულებებს წარადგენს და სასამართლო გამამტყუნებელ განაჩენს გამოიტანს.
,,იმედს ვიტოვებ, რომ საქმე თავს დაიჭერს სასამართლოში და სასამართლო გამამტყუნებელ განაჩენს გამოიტანს. ყველა შემთხვევაში საზარელი ფაქტია და სერიოზული რეაგირება სჭირდება. პროკურატურის მხრიდან რომან შამთავასთვის ბარლის დამძიმება არ ნიშნავს იმას, რომ პიროვნება დამნაშავეა კონკრეტულ საქმეზე. იმედს ვიტოვებ, პროკურატურას იმდენად აქვს გამაგრებული მტკიცებულებებებით ბრალი, რომ გამამართლებელი განაჩენი არ დადგება", _განაცხადა კახიშვილმა.
მისივე განმარტებით, ქარდავას საქმეზე გამოძიებამ აქტიურად უნდა იუშავოს მკვლელობის შემკვეთის დასადგენად.
,, ეს არ არის იმ დონის საქმე სადაც მხოლოდ და მხოლოდ ერთი ადამინის პასუხისმგებლობის საკითხი უნდა დადგეს. თუ დადასტურდა, რომ კონკრეტული სპეცსამსახურის თანამშრომელმა მოკლა ადამიანი, დარწმუნებული ვარ, ამ საქმეს ეყოლებოდა როგორც შემკვეთი, ასევე დავალების გამცემიც და ალბათ, გამოძიებამ ამ კუთხითაც უნდა იმუშავოს, რთა დაადგინოს საბოლოო ჭეშმარიტება პაატა ქარდავას საქმზე", _ განაცხადა ,,ჯი-ეიჩ-ენთან" საუბარში კახიშვილმა.