"პაატა ქარდავას გვამის არ არსებობა, არ ნიშნავს, რომ მკვლელობა არ მომხდარა,- აცხადებს ექსპერტი მამუკა არეშიძე თავდაცვის სამინისტროს დაზვერვის ოფიცრის პაატა ქარდავას გაუჩინარებისა და მკვლელობის საქმესთან დაკავშირებით, რომელიც შსს-მ გახსნილად გამოაცხადა. მისი თქმით, შინაგან საქმეთა სამინისტროს მიერ გამოქვეყნებული ვერსია ახლოსაა სიმართლესთან.
„მე არ ვამბობ რომ ეს ასე მოხდა, მაგრამ ეს ვერსია ახლოსაა სიმართლესთან. მე მქონდა შესაძლებლობა აფხაზეთის ტერიტორიაზე მომეძია პაატა ქარდავა. ხურჩაში დაგდებული მანქანა გარკვეულ ეჭვებს ბადებდა, თუმცა მოგვიანებით გაირკვა, რომ ეს იყო კვალის არევის მიზნით გაკეთებული. დაბეჯითებით შემიძლია ვთქვა, რომ ქარდავა აფხაზეთში არ იყო გატაცებული. შესაბამისად, ვერსია მის მკვლეობასთან დაკავშირებით განიხილებოდა, მით უფრო, თუ გავიხსენებთ იმ პერიოდს გარკვეული ზეწოლა ხორციელდებოდა, როგორც თავდაცვის სამინისტროს ოფიცრებზე ასევე ჯარისკაცებზეც. რამდენიმე მთგანი ციხეშიც კი მოხვდა. ამიტომ, ვერსია, რომელიც დღეს შსს-მ გაახმოვანა, სავარაუდოდ ახლოსთანაა სიმართლესთან. რაც შეეხება გვამის არ არსებობას. ეს უფრო თავის დაძვრენას ჰგავს. ჩვენ გვაქვს ისეთი ფაქტები, სადაც გვამიც იყო, მაგრამ იმ ადამიანებზე მაშინ განაცხადეს, რომ უხო ქვენის სპეცსამსახურებთან თანამშრომლობდნენ. ამიტომ გვამის არარსებობა არაფერს ცვლის", - განაცხადა არეშიძემ.