სპეციალურად მედიის წარმომადგენლებისთვის, საქართველოში პირველი ინდუსტრიული ყავის საწარმოს - Cherie-ის პრეზენტაცია გაიმართა. მედია-ტურის ფარგლებში, ჟურნალისტებს საშუალება ჰქონდათ დაეთვალიერებინათ საწარმოს ტერიტორია, უახლესი ტექნიკით აღჭურვილი ლაბორატორია, ასევე გაეცნენ საწარმოს მუშაობის პროცესს.
საწარმო - Cherie-ის საქმიანობის ძირითად სფეროს წარმოადგენს ნედლი, მწვანე ყავის იმპორტი, მისი შემდგომი გადამუშავება (გაწმენდა, მოხალვა, დაფქვა, დაფასოება) და რეალიზაცია.
კომპანიის საკუთრებაშია უახლესი, ყავის ინდუსტრიაში საუკეთესოდ აღიარებული გერმანული Probat-Werke - ის დანადგარებით აღჭურვილი საწარმო. მწვანე მარცვლის იმპორტი ევროპიდან ხორციელდება, თუმცა მისი თავდაპირველი მომწოდებელი ქვეყნებია ბრაზილია, კოლუმბია და სხვა.
კომპანიის გენერალური დირექტორის ირაკლი ლომთათიძის განცხადებით, პროდუქცია გადის ყველა საჭირო შემოწმებას და სერტიფიცირებულია, როგორც მომწოდებლის, ისე ადგილზე, სურსათის ეროვნული სააგენტოს მიერ.
,,სამწუხაროდ, საქართველოში მასიურად უხარისხო ყავა იყიდება. აქედან გაჩნდა იდეა, გვსურდა მომხარებელს დაეგემოვნებინა ნამდვილი ყავა, რომელიც მათი გემოვნების მიხედვით შეიქმნა, ამაში მდგომაროებს Cherie-ის კონკურენტული უპირატესობაც. ამასთანავე, ჩვენს შეფუთვას აქვს სპეციალური სარქველი, რომლის საშუალებითაც გამოიყოფა ნახშირორჟანგი, შეფუთვაში კი ვერ აღწევს ჟანგბადი, რაც დიდი ხნის განმავლობაში უნარჩუნებს ყავას გემოს და თავდაპირველ არომატს. პროდუქცია გადის ყველა საჭირო შემოწმებას და სერტიფიცირებულია, როგორც მომწოდებლის, ისე ადგილზე, სურსათის ეროვნული სააგენტოს მიერ. დღესდღეობით Cherie ყველაზე დიდი ყავის მწარმოებელია ქვეყანაში. საწარმოს სრულად დატვირთვის შემთხვევაში ბაზრის 60%-ის დაკავებას შევძლებთ. აღსანიშნავია ის, რომ საუკეთესო ყავები მზადდება იმ ქვეყნებში, სადაც ყავა არ მოდის. იმისთვის, რომ უმაღლესი ხარისხის ყავა ვაწარმოოთ არ არის აუცილებელი, რომ ის საქართველოში მოდიოდეს, ამისთვის საჭიროა ის ტექნოლოგიური ხაზი, რაც ჩვენი კომპანიის საკუთრებაშია.''- ამბობს კომპანიის გენერალური დირექტორი ირაკლი ლომთათიძე.
ამჟამად Cherie ორი დასახელების ნალექიან ყავას აწარმოებს: „ჩერი" - კლასიკი, რომელიც წარმოადგენს 100%-ით არაბიკას ჯიშის ყავების ნაზავს დახვეწილი გემოთი და „ჩერი" ორიგინალი, რომელიც აზიური რობუსტასა და სამხრეთ ამერიკული არაბიკას ჯიშის ყავების ნაზავია ძლიერი გემოთი.
პროდუქტი გათვლილია საშუალო და მაღალ სამომხმარებლო სეგმენტზე.„ჩერი" - კლასიკის, 100 გრამიანი შეფუთვის საშუალო ფასია 3.50, „ჩერი" ორიგინალის 2.50 ლარი.
სამომავლოდ, დაგეგმილია პროდუქციის ხაზის გაფართოება და 12 დასახელების ყავის სახეობის გამოშვება. ასევე კომპანიაში პროდუქციის ექსპორტზე გატანასა და უნალექლო ყავის ხაზის წარმოებას გეგმავენ.
ამ დროისთვის კომპანიაში 95 ადამიანია დასაქმებული.
კომპანიის მისამართია თბილისი, დიდი ლილო, ალ. ქართველიშვილის ქუჩა, ნაკვეთი 726.
