დღეს 18:00 საათზე, საქართველოს კულტურისა და ძეგლთა დაცვის სამინისტროში, პროექტ „თანადგომის" ეგიდით, ტრიო „ბრავოს" დასკვნითი კონცერტი გაიმართება.
პროექტ „თანადგომის" ფარგლებში, საქართველოს სხვადასხვა რეგიონის დევნილთა დასახლებებში, სამოქალაქო განათლების ასამაღლებლად, სპეციალური ლექცია-კონცერტები ჩატარდა.
პროექტის პარტნიორები არიან საქართველოს პარლამენტის ეროვნული ბიბლიოთეკა და სრულიად საქართველოს კათოლიკოს-პატრიარქის ილია II -ის საერთაშორისო საქველმოქმედო ფონდი. კულტურისა და ძეგლთა დაცვის სამინისტრის გარდა, პროექტს მხარს უჭერს: დევნილთა და განსახლების სამინისტრო, განათლებისა და მეცნიერების სამინისტრო, დიასპორისა და შერიგების და თანასწორობის სახელმწიფო მინისტრის აპარატები.
ღონისძიებას დაესწრებიან ყველა იმ უწყების წარმომადგენელი, ვინც ჩართული იყო აღნიშნული პროექტის განხორციელებაში.