„ლიბერთი ბანკი" ადასტურებს, რომ საავანსო პენსიას გასცემს წლიურ 36 პროცენტად. ამის შესახებ ნათქვამია ლიბერთი ბანკის მიერ გავრცელებულ განცხადებაში. განცხადებაშ ბანკი მიუთითებს, რომ ის გასცემს საავანსო პენსიას, რომლის ყოველთვიური საკომისიო 2.2% -3% ფარგლებში მერყეობს, რაც წლიურად 26-36 პროცნტს შეადგენს.
„2005 წლიდან ბანკი მომხმარებლებს თავაზობს 1-დან 5 თვემდე მოკლევადიან არაუზრუნველყოფილ ავანსებს; 2010 ბანკმა პენსიის მიმღებ პირებს 18 და 36 თვიანი არაუზრუნველყოფილი საპენსიო ავანსი შეთავაზა; - აღნიშნული საპენსიო ავანსების ყოველთვიური საკომისიო 2.2% -3% ფარგლებში მერყეობს. აღნიშნული საკომისიო სრულ თანხვედრაშია საქართველოში მსგავსი ტიპისა და რისკის, როგორც არაუზრუნველყოფილი სასესხო პრუდუქტების (საკრედიტო ბარათების საპროცენტო განაკვეთი თვეში 2%-3%), ისე არაერთი ტიპის უზრუნველყოფილი სესხის საპროცენტო განაკვეთთან", - ნათქვამია „ლიბერთი ბანკის" განცხადებში.
შეგახსენებთ, რომ პრემიერ-მინისტრის პრესკონფერენცეიაზე სააგენტო „ჯი-ეიჩ-ენის" ჟურნალისტმა პრემიერს ჰკითხა, დაინტერესდება თუ არა და მიმართავს თუ არა შესაბამის კომპეტენტურ უწყებებს, რომ ლიბერთი ბანკი საავანსო პენიისათვის წლიურ 35 პროცენტს იღებს. პრემიერმა აღნიშნულთან დაკავშირებით განაცხადა, რომ „პენსიონერისგან ვერავინ ერთ თეთრს ვერ მოითხოვს, ვერც ბანკი და ვერც ვერავინ".
პრემიერ-მინისტრმა ასევე ფინანსთა და ჯანდაცვის მინისტრებს დაავალა, შესწავლონ ,,ლიბერთი ბანკის" მხრიდან განხრციელებული ქმედება რამდენად შეესაბამება რეალობას.
„Aახლავე მივმართავთ ფინასთა და ჯანდაცვის მინისტრს სასწრაფოდ მოიკითხონ ეს საკითხი. თუმცა არა მგონია, რომ ასე იყოს. მასეთ რაღაცას ვერ გააკეთებენ. ,,ლიბერთი ბანკი" ვერ მოსთხოვს პენსიონერს, ეს თუ მოსთხოვა, მაშინ სხვა რაღაცასთან გვაქვს საქმე და ამას შესაბამისი უწყებები გასცემენ პასუხს. მე მინდა ღიად ვთქვა, პენსიონერისგან ვერავინ ერთ თეთრს ვერ მოითხოვს, ვერც ბანკი და ვერც ვერავინ. თუ ღარაც შეცდომასთან გვაქვს საქმე ამას გაასწორებენ დღესვე", _განაცხადა ღარიბაშვილმა ,,ჯი-ეიჩ-ენის" კითხვის საპასუხოდ.
