მიხაელ შუმახერი, რომელიც უკვე მეექვსე თვეა კომაში იმყოფება, შესაძლოა ასეთ მდგომარეობაში სამუდამოდ დარჩეს. ინფორმაციას ამის შესახებ "Smotorom.ru" -ზე დაყრდნობით "Le Figaro" ავრცელებს.
„ვიცნობ მსგავსი ტრავმების სტატისტიკურ შედეგებს. ვარ მოწმე გამოჯანმრთელებებისა, მაგრამ ეს როგორც წესი ძალიან იშვიათად ხდება. უკვე ხუთ თვეზე მეტია, რაც მიხაელმა თავის ტრავმა მიიღო და ასეთ შემთხვევებში პაციენტების გამოჯანმრთელება ძალიან იშვიათად მომხდარა. ვშიშობ, რომ კარგ ამბებს მიხაელის შესახებ ჩვენ უკვე აღარ გავიგებთ",_ განაცხადა FIA-ს ექსპერტმა.
შეგახსენებთ, რომ შუმახერმა საფრანგეთის სამთო კურორტზე, გასული წლის დეკემბერში თავის ტვინის ტრავმა მიიღო. დაშვებისას ის თავით ქვებს დაეჯახა. მიუხედავად დამცავი შლემისა ტრავმა მძიმე აღმოჩნდა.
