4-5 ივნისს საქართველოს ჩეხეთის რესპუბლიკის საგარეო საქმეთა მინისტრი ლუბომირ ზაორალეკი, ბიზნეს დელეგაციასთან ერთად ეწვევა.
ვიზიტის ფარგლებში დაგეგმილია შეხვედრები საქართველოს პრეზიდენტთან, პრემიერ-მინისტრთან, პარლამენტის თავმჯდომარესთან, ეკონომიკისა და მდგრადი განვითარების მინისტრთან, საგარეო საქმეთა მინისტრთან, შერიგებისა და სამოქალაქო თანასწორობის საკითხებში სახელმწიფო მინისტრთან, ენერგეტიკის მინისტრის მოადგილესთან. ენერგეტიკის განვითარების ფონდის დირექტორთან, გაზისა და ნავთობის სახელმწიფო სააგენტოს უფროსის მოადგილესთან და ასევე ქართული კომპანიების წარმომადგენლებთან.
ვიზიტის ფარგებში 4 ივნისს საქართველოს სავაჭრო-სამრეწველო პალატის ვიცე- პრეზიდენტები ლაშა ჩხენკელი, კახა კოხრეიძე და გენერალური დირექტორი ნინო ჩიქოვანი გამართავენ შეხვედრას ჩეხეთის სავაჭრო-სამრეწველო პალატის ვიცე-პრეზიდენტთან ბორივოიმინართან, აგრეთვე ჩეხეთის ბიზნეს დელეგაციის სხვა წარმომადგენელბთან.
ჩეხეთის რესპუბლიკის ბიზნეს დელეგაციის საქართველოში ვიზიტის მიზანია საინვესტიციო გარემოს შესწავლა და სავაჭრო-პარტნიორული ურთიერთობების დამყარება. მათი ინტერესების სფეროებია: ენერგეტიკა, სოფლის მეურნეობა, ტექნოლოგიები, ტრანსპორტი, რკინიგზა, მშენებლობა, დაზღვევა და საბანკო საქმე. ჩეხეთის კერძო სექტორის წარმომადგენელთა შეხვედრების ორგანიზატორია საქართველოს სავაჭრო-სამრეწველო პალატა.
