ხვალ, 3 ივნისს, 9 საათზე, საქართველოს რეგიონული განვითარებისა და ინფრასტრუქტურის სამინისტრო დარიალის ხეობაში მიმდინარე გზის გაწმენდით სამუშაოებს მედიის წარმომადგენლებს ადგილზე გააცნობს.
დროებითი სატრანსპორტო გზა რამდენიმე დღეში გაიხსნება. სამუშაოები ახალ ფაზაშია გადასული. რთული კლიმატური პირობების მიუხედავად, მუშაობა 24 საათის განმავლობაში მიმდინარეობს. ადგილზე 70 ერთეული მძიმე ტექნიკა და 170-მდე თანამშრომელი საჭირო სამუშაოებს უწყვეტ რეჟიმში ასრულებს.
დამეწყრილი ტერიტორიის გაწმენდას საქართველოს საავტომობილო გზების დეპარტამენტი და სახელმწიფო სამშენებლო კომპანია ახორციელებენ.