აზერბაიჯანი, მოლდოვა, საქართველო და სომხეთი საძოვრების მართვის, ეკოსისტემების დაცვისა და კლიმატის ცვლილების საკითხებზე მსჯელობას იწყებენ.
3-4 ივნისს თბილისში რეგიონული სემინარი გაიმართება, რომელშიც მონაწილეობას მიიღებენ ოთხივე ქვეყნის სამინისტროების, ევროკავშირისა და გაეროს განვითარების პროგრამის (UNDP) წარმომადგენლები. სემინარს ასევე დაესწრებიან ნახშირბადის დაგროვების მინიტორინგისექსპერტები გერმანიასა და მოლდოვადან.
რეგიონული შეხვედრის ორგანიზატორია პროგრამა Clima East -ევროკავშირის მიერ დაფინანსებული ინიციატივა, რომელიც ხელს უწყობს აღმოსავლეთ პარტნიორობის ქვეყნებსა და რუსეთს კლიმატის ცვლილებასთან დაკავშირებული პოლიტიკის გატარებაში.
თბილისის სემინარი პირველი რეგიონული შეხვედრაა, რომელიც შესაძლებლობას მისცემს Clima East პროგრამის ოთხ ქვეყანას განიხილონ საძოვრების მართვასთან დაკავშირებული საერთო პრობლემები და ჩამოაყალიბონ, თუ რა არის საჭიროამ სფეროში პოლიტიკური და საკანონმდებლო ცვლილებების გატარებისათვის.
