პარლამენტის საზოგადოებასთან ურთიერთობისა და ინფორმაციის დეპარტამენტის ხელმძღვანელმა ნიკო ნერგაძემ თანამდებობა დატოვა. მან თანამდებობიდან წასვლის შესახებ განცხადება პარასკევს, 30 მაისს დაწერა, რომელსაც პარლამენტის აპარატი მიმდინარე კვირაში დააკმაყოფილებს.
აღნიშნული ინფორმაცია ნიკო ნერგაძემ "ჯი-ეიჩ-ენ"-თან საუბარში დაადასტურა. როგორც ნერგაძემ განაცხადა, მან ჟურნალსიტიკაში დაბრუნების შესახებ გადაწყვეტილება მიიღო და სულ მალე, რადიო "თავისუფლებაში" სამუშაოდ დაბრუნდება.
"ერთ წელზე მეტი ვიმუშავე საჯარო სამსახურში. ნამდვილად საინტერესო და სასიამოვნო იყო პარლამეტში მუშაობა, თუმცა, ჩემი პროფესიული საქმიანობა მირჩევნია"- აღნიშნა მან "ჯი-ეიჩ-ენ"-თან საუბარში.
საზოგადოებასთან ურთიერთობისა და ინფორმაციის დეპარტამენტის ხელმძღვანელად ნიკო ნერგაძე 2013 წლის მაისის თვეში დაინიშნა.
მანამდე, ის რადიო "თავისუფლების" ბლოგერი იყო და საზოგადოებრივ საქმეთა ინსტიტუტში ლექციების კურსს კითხულობდა.