დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, ვირუსული მენინგიტის შემთხვევბმა იკლო.
გამყრელიძემ საზოგადოებას მოუწოდა პრევენციისთვის დაიცვან ჰიგიენური ნორმები.
,,უმრავლესობა პაციენტებისა გაეწერა და მათი მდგომარეობა დამაკმაყოფილებელია. ჩვენი რეკომენდაციები ისევ გახლავთ ის, რომ მაქსიმალურად დავიცვათ სანიტარული ჰიგიენური პირობები, რამეთუ, ამ ტიპის მენინგიტის პრევენცია ვაქცინის საშუალებით არ ხდება", - განაცხადა ამირან გამყრელიძემ.
მისივე განმარტებით, ამ დროისთვის, ვირუსული მენინგიტის 538 შემთხვევაა დაფიქსირებული.
შეგახსენებთ, რომ ვირუსული მენინგიტის გამო ბაღებსა და დაწყებით კლასებში სასწავლო პროცესი 21 მაისს შეწყდა და დღეს განახლდა.