ქართულ ავიაბაზარს კიდევ ერთი მოთამაშე - flyvista, შეემატა, რომელიც ბაზარზე საკმაოდ ამბიციური გეგმებით შემოდის. Vista Georgia, საქართველოს სამოქალაქო ავიაციის ექსპლუატანტის სერტიფიკატის მფლობელი და Aerovista-ს სტრატეგიული პარტნიორი - flyvista 2014 წლის ზაფხულის სეზონიდან თბილისიდან მეზობელ ქვეყნებში გეგმიურ ფრენებს განახორციელებს და რაც მთავარია საკმაოდ ხელმისაწვდომი ფასებით.
„ჩვენ აქ ვართ, რათა შევთავაზოთ მგზავრებს უსაფრთხო, კომფორტული და ხელმისაწვდომი ფრენები",- აცხადებს flyvista-ს აღმასრულებელი დირექტორი ჯუმბერ იაკობაძე.
flyvista-ს მენეჯმენტი აცხადებს, რომ საკუთარი გეგმების მიღწევას კომპანია საკუთარი გამოცდილი გუნდის მეშვეობით აპირებს, რომელსაც ლოუ ქოსთ ქერიერის განხორციელების მრავალწლიანი გამოცდილება გააჩნია.
აღსანიშნავია, რომ Vista Georgia 2009 წელს დაფუძნდა და ის ძირითადად სალიზინგო ჩარტერულ ფრენებს ახორციელელბს შუა აზიასა და აფრიკაში.
ხოლო რაც შეეხება AeroVista-ს, ის არის თვითმფრინავების ლიზინგისა და მენეჯმნეტის საკითხების პროვაიდერი კომპანია, რომელის სათავო ოფისი დუბაისში მდებარეობს. 1999 წლიდან AeroVista მუშაობს როგორც შიდა,
ასევე რეგიონალურ ავიახაზებთან დესეთეს და ახლო აღმოსავლეთსა და ჩრდილოეთ აფრიკის ბაზარზე და თავის პარტნიორებს სთავაზობს მათზე მორგებულ, სპეციფიკურ გადაწყვეტილებებს.
