აჭარის ავტონომიური რესპუბლიკის ჯანმრთელობისა და სოციალური დაცვის მინისტრმა ნუგზარ სურმანიძემ, აჭარის უმაღლესი საბჭოს თავმჯდომარემ ავთანდილ ბერიძემ, ბათუმის საკრებულოს თავმჯდომარემ ირაკლი ჩავლეიშვილმა, აჭარის ჯანდაცვის მინისტრის მოადგილეებმა და უმაღლესი საბჭოს დეპუტატებმა ბავშვთა დაცვის საერთაშორისო დღე შშმ პირთა სარეაბილიტაციო ცენტრის აღსაზრდელებს მიულოცეს.
ხელისუფლების წარმომადგენლებმა ბავშვებს ტკბილეული და საჩუქრები მიართვეს. ცენტრის ბენეფიციარებმა კი სტუმრებისთვის კონცერტი გამართეს.
ცენტრში რეაბილიტაციის კურსს 6-დან 25 წლამდე 45 შშმ პირი გადის. მოზარდები საქართველოს ჯანდაცვის სამინისტროს, აჭარის ჯანდაცვის სამინისტროს და ბათუმის მერიის სპეციალური პროგრამების ფარგლებში ადგილზე ღებულობენ ფსიქოლოგის, ფსიქიატრის, ლოგოპედის, ორთოპედის და სხვა სპეციალისტების დახმარებას. ცენტრში მათთვის შექმნილია ადაპტირებული გარემო.
