"ჩემო მეგობრებო, კოლეგებო, ვინც წლების განმავლობაში ქმნიდით და ქმნით „GHN"-ს, მადლობას გიხდით იმისათვის, რომ ჩვენთან ერთად იბრძოდით წარმატებისთვის. მადლობა ჩვენს ერთგულ მკითხველს - ათასობით ადამიანს, რომელებმაც იციან, რომ GHN მათთვის უტყუარი და ობიექტური ინფორმაციის წყაროა. ყველას გილოცავთ GHN-ის დაბადების დღეს და გისურვებთ წარმატებებს. ასევე, დაბადების დღეს ვულოცავთ ჩვენს კოლეგებს სხვადასხვა მედიასაშუალებებიდან, რომლებიც 1-ელ ივნისს არიან დაარსებულნი", - ნათქვამია სააგენტოს დირექტორის გოჩა მირცხულავას მილოცვაში.

"მადლობა ყველას, ვინც ამ 9 წლის განმავლობაში გვგულშემატკივრობდით. 9 წელი არც ბევრია და არც ცოტა. ამაყი ვარ რომ 9 წლის განმავლობაში არასოდეს გადამიხვევია იმ პრინიცპისათვის, რასაც ობიექტურობა ჰქვია. მადლობა ყველა იმ თანამშრომელს, რომელიც 9 წლის წინ იდგა GHN-ის გვერდით. მადლობა მათ ვინც წლების განმავლობაში დგას ჩვენს გვერდით და ერთად მოვდივართ. ახლა მიხარია, რომ GHN 9 წლისაა, მეტი არაფერი. მიხარია, რომ უამრავი სირთულის მიუხედავად GHN განაგრძობს არსებობას და აქამდე არსებულ უდიდეს მიღწევებთან ერთად მხოლოდ წინ წავა. მადლობა ყველას ამ პროცესებში მონაწილეობისთვის", - ამბობს სააგენტოს მთავარი რედაქტორი თემურ ჭუმბურიძე.

სააგენტო "ჯი-ეიჩ-ენმა" 2005 წლის 1-ელ ივნისს დაიწყო მუშაობა. 9 წლის განმავლობაში სააგენტომ მედიაბაზარზე დამოუკიდებელი და მიუკერძოებელი სახელის დამკვიდრება შეძლო.
"ჯი-ეიჩ-ენი" "წლის ადამიანებისა და კომპანიების" გამოკითხვისა და "ოქროს პერგამენტის" დაჯილდოების ყოველწლიური ცერემონიალის ინიციატორი და ორგანიზატორია.
2008 წლის სექტემბერში ბულგარეთში გამართულ შავი ზღვის ქვეყნების საინფორმაციო სააგენტოების ასოციაციის მეორე ასამბლეაზე /BSENNA/ "ჯი-ეიჩ-ენი" ასოციაციის სრულუფლებიანი წევრი გახდა.
2010 წლის 4 მარტიდან "ჯი-ეიჩ-ენი" შავი ზღვის ქვეყნების ნაციონალური საინფორმაციო სააგენტოების ალიანსის თავმჯდომარე გახდა, ხოლო პრეზიდენტად ალიანსმა საინფორმაციო სააგენტო "ჯი-ეიჩ-ენის" გენერალური დირექტორი გოჩა მირცხულავა აირჩია. 2011 წლიდან გოჩა მირცხულავა ალიანსის აღმასრულებელ;ი ბიუროს წევრია.
2012 წლის 28 სექტემბერს პორტუგალიაში, ლისაბონში გამართული ახალი ამბების სააგენტოების ევროპული ალიანსის (EANA) გენერალურმა ასამბლეამ კენჭი უყარა ახალი ამბების სააგენტო "ჯი-ეიჩ-ენის" (საქართველო) ალიანსში გაწევრიანებას. ხოლო 2013 წლის 4 სექტემებრს სააგენტო ალიანსის წევრი გახდა. (EANA - ახალი ამბების სააგენტოების ევროპული ალიანსი - არის ერთ ერთი ყვეელაზე ავტორიტეტული ევროპული მედიაგაერთიაანება, რომელიც 1956 წლის 21 აგვისტოს დაფუძნდა. ორგანიზაციის წევრები არიან შემდეგი ახალი ამბების სააგენტოები: AFP, APA, ANSA, ANP,AA, AZERTAC, BTA, DPA, LUSA, EFE, SDA,STA BELGA, RITSAU, PRES ASSOCIATION, PAP, HINA, ITAR-TAAS, TASR, UKRINFORM, და ა.შ..)
1-ელ ივნისს დაბადების დღეს აღნიშნავს ასევე არაერთი ქართული და უცხოური საინფორმაციო საშუალება. "ჯი-ეიჩ-ენი" ულოცავს ყველა მათგანს და შემოქმედებით წარმატებებს უსურვებს.