1 ივნისს BMW Club Georgia ატარებს მე-3 საერთაშორისო BMW-ს ფესტივალს, რომელიც თავისი მასშტაბებით უპრეცედენტოა საქართველოში და მეზობელ ქვეყნებში! ფესტივალი იწყება დილის 11 საათზე, დიღმის ტრასაზე (თბილისის შემოსასვლელში), სადაც 100-ობით BMW (საშუალოდ 500) შეიკრიბება და გაივლის შემდეგ მარშრუტს:
დიღომი - გმირთა მოედანი - პეკინი - ვ.ფშაველა - თამარაშვილი - ჭავჭავაძე - რუსთაველი - თავისუფლების მ. - სანაპირო და შემდეგ რუსთავი. საბოლოო წერტილი - ავტოდრომი. ამ მსვლელობას გვერდში უდგას საპატრულო პოლიცია, რომელიც ყველა ზემოთაღნიშნულ ქუჩას კეტავს - დაბრკოლების გარეშე გასავლელად! ამ კოლონისთვის სპეციალურად ჩამოდიან ავტომობილები - ბათუმიდან, ფოთიდან, ქუთაისიდან, გორიდან, თელავიდან, აზერბაიჯანიდან და სომხეთიდან.
ავტოდრომზე ფესტივალი დაიწყება საქართველოს დრიფტის ჩემპიონატით, შემდეგ მოყვება საქართველოში ყველა ძირითად ავტო-კლუბებს შორის მხიარული თამაშები, ჩატარდება კონკურსები მაყურებლისთვის, აირჩევა წლის საუკეთესო BMW და მის BMW (10 კონკურსანტს შორის). წლის BMW-ს პრიზი კი ტრადიციული HOT-WASH-ია (+18). ფესტივალს ასევე აფორმებს DJ Bego და ცოცხალი მუსიკა!
ფესტივალის სპონსორები არიან:
ენერგეტიკული სასმელი JAGUAR, Wissol, Rompetrol, Premix, Vianor, Omega Motors, Eneos.
პარტნიორები:
Outdoor.ge, MyVideo.ge, გადაცემა ავტორბოლა, ავტორადიო, ფორტუნა+, Georgian Cars, Sandora, Nemiroff, G-Force, დონ-ჩიჩო, Focus Production.
მსგავსი ღონისძიება ტარდება წელიწადში მხოლოდ 1ხელ და ახდენს უდიდესს ეფექტს, როდესაც 100-ობით BMW დროშებით, ლამაზი გოგონებით და სიგნალებით ჩაივლიან ქალაქის ცენტრალურ გამზირებზე! ასევე დავაფიქსირებთ ფაქტს, რომ მსოფლიო რეკორდი არის 178 BMW-თი მსვლელობა და დაფიქსირდა გერმანიაში!