შერიგებისა და სამოქალაქო თანასწორობის საკითხებში სახელმწიფო მინისტრის აპარატი აცხადებს ესეების კონკურსს თემაზე: "საქართველოს ევროინტეგრაცია და მე". კონკურსში მონაწილეობა შეუძლიათ საქართველოს უმაღლესი სასწავლებლების, "4+1" პროგრამაში მონაწილე ეთნიკური უმცირესობების წარმომადგენელ სტუდენტებს.
კონკურსი მიზნად ისახავს საქართველოში მცხოვრებ ეთნიკური უმცირესობების წარმომადგენელ ახალგაზრდებს შორის ქვეყნის ევროინტეგრაციის პროცესის შესახებ ცნობიერების ამაღლებას. კონკურსში სტუ-ს სტუდენტებიც მიიღებენ მონაწილეობას.
კონკურსში გამარჯვებულ სამ საუკეთესო ესეს ავტორს დაჯილდოების ცერემონიალზე გადაეცემა პერსონალური კომპიუტერი.
