კიშინიოვში (მოლდავეთში) გაფორმდა მემორანდუმი ტემპუსის RETHINK პროექტთან დაკავშირებით. პროექტი RETHINK - „განათლების რეფორმა ცოდნის საერთაშორისო გაცვლის საშუალებით" სამწლიანია და 2016 წელს დასრულდება.პროექტის კოორდინატორია ლისაბონის ტექნიკური უნივერსიტეტის არქიტექტურის ფაკულტეტი (პორტუგალია).
პროექტის კონსორციუმის წევრია საქართველოს ტექნიკური უნივერსიტეტი. კონსორციუმში საქართველოს გარდა შედიან პარტნიორი უმაღლესი საგანმანათლებლო დაწესებულებები სხვადასხვა ქვეყნიდან: პორტუგალია, ესპანეთი, ნიდერლანდები, გერმანია, სომხეთი, აზერბაიჯანი, ბელორუსია, უკრაინა, მოლდავეთი.
პროექტის მიზანია საგანმანათლებლო, კულტურული და ბიზნეს კავშირების გაღრმავება და განმტკიცება გარემოსადცვის სფეროში და ამ მხრივ უმაღლესი განათლება - საზოგადოება ურთიერთობებში საერთო ენის გამონახვა.
