დღეს, 30 მაისს, 15:00 საათიდან, ბავშვთა დაცვის საერთაშორისო დღესთან დაკავშირებით Gino Paradise აკვაპარკი სოციალურად დაუცველ ბავშვებს უმასპინძლებს.
საქველმოქმედო ფონდ „იავნანას" დამფუძნებელი პაატა ბურჭულაძე და Gino Paradise-ს ინვესტორი ნოდარ გიორგაძე წლებია აქტიურად თანამშრომლობენ და ეხმარებიან სოციალურად დაუცველ ოჯახებსა და ბავშვებს.
ჯინო ფერედაისის მხარდაჭერა ფონდ „იავნანას" საქმიანობისადმი ოფიციალურად გაფორმდება 19:00 საათზე და ხელი მოეწერება თანამშრომლობის მემორანდუმს, რომლის თანახმადაც სოციალურად დაუცველ ბავშვებს ყოველთვიურად შეეძლებათ ჯინო ფერედაისში სტუმრობა.
Gino Paradise Besenova აკვაპარკმა და გამაჯანსაღებელმა ცენტრმა სლოვაკეთის მთებში 300-მდე მზრუნველობამოკლებულ ბავშვს უმასპინძლა. ეს ბავშვები საქართველოს სხვადასხვა ბავშვთა სახლის აღსაზრდელები იყვნენ და ბევრი მათგანისთვის ეს გახლდათ პირველი გასვლა დაწესებულების ეზოდან და პირველი მოგზაურობა თვითმფრინავით.
