საქართველოში აშშ-ის ელჩის რიჩარდ ნორლანდის განცხადებით, ,,ნაცმოძრაობის" წევრის ზურაბ ჭიაბერაშვილზე თავდასხმა, არის ის ლაქა, რომელიც საქართველოს საერთაშორისო რეპუტაციას ზიანს მიაყენებს. როგორც ჟურნალისტებთან ნორლანდმა განაცხადა ადგილობრივი არჩევნების წინ მნიშვნელოვანია, რომ საარჩევნო გარემო იყოს მშვიდი და ცივილიზებული.
,,ვინც არ უნდა იყოს ჩამდენი, რაც არ უნდა ყოფილიყო მოტივაცია, ეს არის ის ლაქა, რომელიც საქართველოს საერთაშორისო რეპუტაციას ზიანს აყენებს, მაშინ, როდესაც ქვეყანა დემოკრატიული განვითარების გზაზე წინ მიდის", - განაცხადა ნორლანდმა.
შეგახსენებთ, რომ ჭიაბერაშვილს 27 მაისს, აბაშიძის #22-ში მდებარე ,,ლიტერატურულ კაფეში" თავს დაესხნენ გიორგი მგელაძე და რეზო თაბუკაშვილი.
