დღეს, საქართველოს შეიარაღებული ძალების სამხედრო მოსამსახურეებმა ინგლისური ენის კურსის დასრულების დამადასტურებელი სერთიფიკატები მიიღეს. სამხედრო მოსამსახურეებს სერთიფიკატები თავდაცვის მინისტრის მოადგილემ ვაკო ავალიანმა და საქართველოში დიდი ბრიტანეთის ელჩმა ალექსანდრა ჰოლ-ჰოლიმ გადასცეს. ღონისძიება საქართველოს თავდაცვის სამინისტროს შემეცნებით-საგანმანათლებლო ცენტრში გაიმართა.
თავდაცვის სამინისტროში ინგლისური ენის კურსები საქართველოში ბრიტანეთის საბჭოს ინგლისური ენის შემსწავლელი ცენტრის ინიციატივით ჩატარდა.
2013-2014 წლებში საქართველოს შეიარაღებული ძალების 37-მა სამხედრო მოსამსახურემ სხვადასხვა დონის ერთწლიანი მოსამზადებელი კურსი გაიარა. პროექტი ბრიტანეთის მთავრობის დაფინანსებით განხორციელდა.
სერთიფიკატების გადაცემის ცერემონიალს საქართველოში დიდი ბრიტანეთის სამხედრო ატაშე, ვიცე-პოლკოვნიკი ნიკ ვილკესი, საბჭოს წარმომადგენლები და პედაგოგები დაესწრნენ.
