საქართველოში აშშ-ის ელჩის რიჩარდ ნორლანდის განცხადებით, ძალიან მნიშვნელოვანია ბალანსის პოვნა ადამიანის პირად ცხოვრებასა და ეროვნულ უსაფრთხოებას შორის.
"ადრეც მითქვამს და ახლაც გავიმეორებ, რომ თითოეული ქვეყნისთვის ძალიან მნიშვნელოვანია ბალანსის პოვნა ერთი მხრივ, ადამიანის კერძო, პირად ცხოვრებასა და მეორე მხრივ, ეროვნულ უსაფრთხოებას შორის. საქართველომ აღსანიშნავ პროგრესს მიაღწია ამ მხრივ, რაც ყოფილ საბჭოთა ქვეყნებს შორის ნამდვილად გამორჩეული შემთხვევაა. ეს ეხება უკანონო დაკვირვების მასალებთან გამკლავებას. პარლამენტი ახლა მუშაობს იმაზე, რომ მომავლისთვის მიდგომები შეიმუშავოს ამ მხრივ", - განაცხუდა ელჩმა ჟურნალისტებს, პარლამენტი პლენარული სხდომის დაწყებამდე.
რიჩარდ ნორლანდის თქმით, ძალიან მნიშვნელოვანია, რომ ამ პროცესში სამოქალაქო საზოგადოების ხმა იყოს მოსმენილი და ჩართული.
პარლამენტმა დღევანდელ პლენარულ სხდომაზე 97 ხმით მიიღო ცვლილებათა პაკეტი ფარული მოსმენების შესახებ, რომლის თანახმადაც ცვლილება განხორციელდა ხუთ კანონში.
