იუსტიციის მინისტრი და უწყებათაშორისი კომისიის თავმჯდომარე თეა წულუკიანი წუხელ გარდაბანში მომხდარ ინციდენტს ეხმიანება და მხარეებს სიმშვიდისკენ მოუწოდებს. როგორც უწყებათაშორისი კომისიის სხდომაზე წულუკიანმა განაცხადა მსგავსი ტიპის შემთხვევები აზიანებს როგორც ქვეყანას, ასევე საარჩევნო პროცესს.
,,მე მინდა მივმართო გუშინდელი ღამის ინციდენტში მონაწილე გარდაბნელ სვანებს, მართალია, არც ერთი მხარე, როგორც ჩანს, არ არიან პოლიტიკური პარტიის წარმომადგენლები, მაგრამ ნებისმიერი არეულობა და შეხლა-შემოხლა აზიანებს ქვეყანას და საარჩევნო პროცესს. გარდაბანში ყველას მოვუწოდებ კომისიის სახელით სიმშვიდისკენ", _განაცხადა წულუკიანმა.