როგორც პარლამენტის თავმჯდომარე დავით უსუფაშვილმა პარლამენტი ბიუროს დღევანდელ სხდომაზე განაცხადა, საზოგადოებაში ბიუჯეტის მომავალი წლის პარამეტრებმა გარკვეული ვენაბთაღელვა გამოიწვია, ამიტომ საკანონმდებლო ორგანოს ბიუჯეტი იგივე რჩება, რაც 2014 წელს არის.
მისი განმარტებით, უმრავლესობის პოზიცია ასეთია, რომ მომავალი წლის პარამეტრები დარჩეს იგივე და არ გაიზარდოს. რაც შეეხება გარკვეულ მუხლობრივ ცვლილებებს, აღნიშნული საკითხი განხილული მაშინ იქნება, როცა პარლამენტი მუშაობას შეუდგება. "პარლამენტის 2015 წლის ბიუჯეტის პარამეტრები 2014 წლის იდენტური იქნება" -განაცხადა უსუფაშვილმა.
როგორც ცნობილია, 16 მაისს, პარლამენტმა მიიღო დადგენილება "საქართველოს პარლამენტის 2015 წლის ბიუჯეტის პროექტის დამტკიცების შესახებ" რომლის თანახმადაც პარლამენტის ბიუჯეტი მომავალი წლისათვის 54 მილიონ 695 ათასი ლარით განისაზღვრა, რაც წლევანდელთან შედარებით, 2 მილიონ 604 ათასს ლარზე მეტია.
გაზრდილი თანხით პარლამენტმა შრომითი ანაზღაურების გაზრდა და ავტოპარკის განახლება იგეგმებოდა.