,, ნაცმოძრაობა" მოითხოვს, რომ გარდაბანში მომხდარი ინციდენტი უსწრაფესად იქნეს გამოძიებული. როგორც პარტიის წევრმა გიგი უგულავამ საკითხის კომენტირებისას ჟურნალისტებთან განაცხადა მომხდარს პოლიტიკური მოტივაცია ჰქონდა.
,,მომხდარი თავდასხმა პოლიტიკურ ხასიათს ატარებდა. ყველაზე საგანგაშო არის ის, რომ პოლიტიკური ოპონენტების მიმართ გარდაბანში გუშინ გამოყენებული იყო ის ტერმინოლოგია, რომელიც საქართველომ ადრეულ 90-იანებში დატოვა. გუშინ ჩვენ უხვად ვიხილეთ, მათი წარმომადგენლების მხრიდან წამოვიდა პოლიტიკურთან ერთად, ეთნიკურად შეურაცხმყოფელი ფრაზები. ჩვენ მოვითხოვთ კატეგორიულად უსწრაფესად იქნეს გამოძიებული მომხდარი და, არა ისე როგორც უკვე შევეჩვიეთ ,,ნაციონალური მოძრაობის" წევრებზე თავდასხმების გამოძიებას, ვინაიდან ეს შემთხვევა არის განსაკუთრებული", _განაცხადა უგულავამ.
შეგახსენებთ, რომ წუხელ გარდაბანში რამდენიმე ადამიანი ერთმანეთს ფიზიკურად დაუპირისპირდა. არსებული ინფორმაციით, დაპირისპირება "ნაციონალური მოძრაობისა" და ",ქართული ოცნების" აქტივისტებს შორის მოხდა.