აფხაზეთის ა/რ უმაღლესი საბჭოს თავმჯდომარე გია გვაზავა სააგენტო „ჯი-ეიჩ-ენთან" აფხაზეთში განვითარებული მოვლენების შეფასებისას აცხადებს, შიდაკლანური დაპირისპირებისათვის ის რაც ახლა აფხაზეთში ხდება ეს ცოტა უფრო მაღალი დონეა. გვაზავა ასევე აცხადებს, რომ აფხაზური ელიტა, მორალურად რუსეთთან შეერთებისათვის მზადაა.
„რუსეთის გარეშე, რომ აფხაზეთში არაფერი ხდება ამაზე ორი აზრი არ არსებობს. იქ ამჟამად განვითარებული მოვლენები კი შიდაკლანური დაპირისპირებისათვის ცოტა უფრო მაღალი დონეა.
ჩემი ვარაუდით, შიდაკლანური განხეთქილების გამოყენება იყო საჭირო და გამოიყენეს კიდეც და რა თქმა უნდა ეს ყველაფერი კრემლისგან იმართება",_ აცხადებს გია გვაზავა და აღნიშნავს, რომ აფხაზეთში ამჟამად არსებული სიტუაციის განვითარება დამოკიდებული იქნება იმაზე თუ რა გადაწყვეტილებას მიიღებენ მოსკოვში.
„შიდაკლანურ დაპირისპირებას, მარტივად რომ ვთქვათ, ამდენის უფლებას არ მისცემდდნენ. ხოლო როდესად პრეზიდენტისა და მთავრობის გადადგომაზეა საუბარი ეს ცოტა სხვა მომენტია.
რა თქმა უნდა შიდაკლანური დაჯახება იქ არის, რომელსაც იყენებენ როცა უნდათ და როგორც საჭიროა იმ მიმართულებას აძლევენ.
ახლა პროგნოზების კეთება რთულია. მთავარია რა წყდება მოსკოვში",_ აცხადებს გია გვაზავა და აღნიშნავს, რომ რა თქმა უნდა მოსკოვი აფხაზეთის რუსეთის შემადგენლობაში შეყვანაზე ფიქრობს, მაგრამ ამას ჯერჯერობით რბილად აკეთებს.
„აფხაზეთის მოსახლეობას დღეს მაინცდამაინც არც არაფერს ეკითხებიან - ეს ერთი, მეორე კი ის, რომ იქ ელიტა ამისათვის უკვე მზადაა, იმიტომ, რომ ელიტა არ არის პროაფხაზური, ელიტა პრორუსულია და ამ ელიტის მეშვეობით მოხდა ის რაც მოხდა.
იმ ელიტას სხვა გზა არ დარჩა. ისინი ამაზე წავლენ. არც ფესვები აქვთ მთლად აფხაზური, ჩრდილოკავკასიური მათი ფესვები შინაგანად ამის მორალურ უფლებას აძლევენ. იმ ქონების პატრონები , რომლისაც ისინი გახდდნენ ამის დაკარგვას ისინი რა თქმა უნდა თავს აარიდებენ და ამიტომაც არ შეეკითხებიან ხალხს.
თორემ ნორმალური ხალხი რა თქმა უნდა ხვდება, რუსეთთან გაერთიანება მათი ეთნოსის გაქრობას ნიშნავს",_ აფხაზეთის ა/რ უმაღლესი საბჭოს თავმჯდომარე გია გვაზავა „ჯი-ეიჩ-ენთან" საუბარში.