საპარლამენტო უმცირესობის ლიდერო დავით ბაქრაძე ოკუპირებულ აფხაზეთში მიმდინარე პროცესებს ეხმიანება და აცხადებს, რომ არსებობს რეალური ეჭვის საფუძველი, რომ პროცესები აქაც ყირიმისა და აღმოსავლეთ უკრაინის მსგავსად მიმდინარეობს.
,,სოხუმში მიმდინარე პროცესი, იქ გაჟღერებული მოთხოვნები, რომ აფხაზეთმა უნდა აირჩიოს რუსეთთან უფრო მეტი ინტეგრაციის ზრდა, ის ფაქტი, რომ აქციის ზოგიერთი მონაწილე პირდაპირ ითხოვს ეთნიკურად ქართველების გასახლებას აფხაზეთიდან, ის ფაქტი, რომ დღეს აფხაზეთში ჩასვლას აპირებს პრეზიდენტ პუტინის თანაშემწე, ყველაფერი წარმოშობს, სამწუხაროდ, ძალიან რეალურ ეჭვს, რომ პროცესები აფხაზეთში მიმდინარეობს იგივე სცენარით, რა სცენარიც გამოყენებული იქნა ყირიმის და აღმოსავლეთ უკრაინის შემთხვევაში. ეს არის ძალიან რეალური საფრთხე, რომლის თავიდან ასაცილებლად ქართულმა სახელწმიფომ ყველაფერი უნდა გააკეთოს. ამიტომ მინდა, მოვუწოდო ხელისუფლებას, შეწყვიტოს უმოქმედოდ და ინერტულად ყოფნა და დღესვე დაიწყოს მუშაობა იმისთვის, რომ ასეთი საფრთხე მინიმუმამდე იყოს დაყვანილი", _განაცახდა ბაქრაძემ.
