ექსპერტი უსაფრთხოების საკითხებში ხათუნა ლაგაზიძე ,,ჯი-ეიჩ-ენთან" საუბარში აცხადებს რომ პრეზიდენტ გიორგი მარგველაშვილისა და პრემიერ ირაკლი ღარიბაშვილს შორის არსებული დაპირისპირების შესახებ აშშ ინფორმირებულია. ამის მაგალითად, ლაგაზიძე აშშ-ის პრეზიდეტ ბარაკ ობამას საქართველოს დამოუკიდებლობის დღისადმი გამოგზავნილ მილოცვის ტექსტს ასახელებს.
,,საგულისხმოა, აშშ-ის პრეზიდენტის მოლოცვა 26 მაისთან დაკავშირებით. ობამას მილოცვაში ხაზგასმით აღნიშნული იყო, რომ ამერიკა საქმის კურსშია პრემიერისა და პრეზიდენტს შორის დაპირისპირების შესახებ. ობამას მიმართვაში პირდაპირ წერია, რომ ის ითანამშრომლებს პრეზიდენტთან და პრემიერთანაც. თავისთავად ეს ფაქტი მიანიშნებს იმაზე, რომ აშშ ხედავს ამაში პრობლემას და საკმაოდ თვალსაჩინო მესიჯებს უგზავნის საქართველოს", _განაცხადა ლაგაზიძემ ,,ჯი-ეიჩ-ენთან" საუბარში.