ეკონომიკური პოლიტიკის კვლევის ცენტრის ინფორმაციით, 2014 წელს იანვარ-მარტში ეკონომიკური ზრდის ტემპი გასულ წელზე მაღალია - წინასწარი მონაცემებით, იანვრის თვეში ეკონომიკურმა ზრდამ 8%, თებერვალში 5.4%, ხოლო მარტში 8,3 % შეადგინა; უკეთესი ვითარებაა გადასახადების მობილიზების კუთხითაც. კერძოდ, სამ თვეში სახელმწიფო ბიუჯეტში მობილიზებული იქნა 1,639.4 მლნ ლარი, რაც აღემატება დაგეგმილ 1618.3 მლნ ლარს;
თუმცა, როგორც ცენტრში განმარტავენ, მაშინ, როცა ბიუჯეტი დაგეგმილია 8,5 პროცენტიან ზრდაზე, 2014 წლის I კვარტლის სახელმწიფო ბიუჯეტის საგადასახადო შემოსავლების განსაზღვრული გეგმა მხოლოდ 4,2%-ით აჭარბებს შარშანდელ მაჩვენებელს, ფაქტიურად მობილიზებული სახსრები კი - მხოლოდ 5,5%-ით; რაც ნიშნავს, რომ პირველი კვარტლის გეგმა ნაწილობრივ შემცირებულია;
„2014 წლის I კვარტლის გეგმა დანაკლისით შესრულდა გრანტების მუხლით, კერძოდ, განსაზღვრული 51,8 მლნ ლარიდან ჩამორიცხული იქნა მხოლოდ 3,2 მლნ ლარი; სხვა შემოსავლების მუხლით, დაგეგმილი 74,3 მლნ ლარის ნაცვლად, მობილიზებული იქნა 53,1 მლნ ლარი"- აღნიშნულია ცენტრის მიერ მომზადებულ კვლევაში.