ბრაზილიის პრეზიდენტი დილმა რუსეფმა ცნობილი ფეხბურთელის რონალდოს ბრალდებებს უპასუხა, რომელიც თავის მხრივ ეჭვს გამოთქვამს ბრაზილიაში მსოფლიო ჩემპიონატისთვის სპორტული ინფრასტრუქტურის მზადყოფნასთან დაკავშირებით.
როგორც ირკვევა, რონალდომ ჩემპიონატის ორგანიზატორი ორგანიზაციის კომპეტენტურობაშიც შეიტანა ეჭვი და მუნდიალისთვის მზადების პროცესს „სირცხვილი" უწოდა.
„დარწმუნებული ვარ, რომ ჩვენი ქვეყანა ჩემპიონატს ღირსეულად უმასპინძლებს. მე ვამაყობ იმით, რასაც ჩვენ ტურნირისთვის მზადებისას მივაღწიეთ. ჩვენ არ გვაქვს არასრულფასოვნების კომპლექსი და რაიმე მიზეზი სირცხვილისთვის" ასე გამოეხმაურა ბრაზილიის პრეზიდენტო რონალდოს კრიტიკას.
შეგახსენებთ იმასაც, რომ გასულ წელს ბრაზილიაში მასშტაბური აქცია გაიმართა, რასაც მოქალაქეების ნაწილი ბრაზილიაში ჩემპიონატის ჩატარების წინააღმდეგ გამოდიოდა. მილიონზე მეტი ადამიანი იყო გამოსული ბრაზილიის ქუჩებში და სახელმწიფო სახსრების ჩემპიონატის მზადებისთვის ხარჯვას ეწინააღმდეგებოდნენ.
