გახსნაზე მოწვეულები არიან სპეციალური საგანმანათლებლო საჭიროებების მქონე ბავშვების ქ. თბილისის #200 საჯარო სკოლის მოსწავლეები, რომლებსაც რესტორანი საკუთარი პროდუქტებით გაუმასპინძლდება. გახსნის ცერემონიალს ასევე დაესწერებიან საქართველოში აშშ-ის საელჩოს პოლიტიკურ-ეკონომიკური განყოფილების უფროსი ვიქტორია ტეილორი, საოცჩოს სხვა წარმომადგენლები და საქართველოს ბანკის გენერალური დირექტორი ირაკლი გილაური. სპეციალურად გახსნისთვის რესტორანში მომზადდება 2 მ. სიგრძის გიგანტური სენდვიჩი.

"საბვეის" რესტორანი მომხმარებლებს ახლად მომზადებულ, უგემრიელეს სედნივჩებს, სალათებს და ორცხობილებს შესთავაზებს. "საბვეი"-ს სენდვიჩები ყოველდღიურად, ადგილზე გამომცხვარი პურის რამდენიმე სახეობით, მაღალი ხარისხის ინგრედიენტებით და ახლად დაჭრილი ბოსტნეულის გამოიყენებით მზადდება. სენდვიჩების და სალათების მომზადება უშუალოდ მომხმარებლის თვალწინ და მისი გემოვნებით ხდება. რესტორანში წარმოდგენილია ყავისა და გამაგრილებელი სასმელების ფართო არჩევანი.

საქართველოში "საბვეის" ფრენჩაიზის მფლობელი "საბ დეველოპმენტ ჯგუფი"-ს განცხადებით ჯგუფს ქსელის განვითარების კონკრეტული გეგმა გააჩნია, რომელიც 2015 წლისათვის საქართველოს ტერიტორიაზე მინიმუმ 5 საბვეის რესტორნის გახსნას ითვალისწინებს. ახალი რესტორანი რიგით მეორეა დედაქალაქში, პირველი, ილია ჭავჭავაძის გამზირზე #19-ში, 2013 წლის ნოემბერში გაიხსნა. მესამე რესტორნის გახსნა კი 2014 წლის ივნისის თვეში თავისუფლების მოედანზე იგეგმება. მომავალში "საბვეის" რესტორნები თბილისის თითქმის ყველა უბანში, ასევე საქართველოს სხვა დიდ ქალაქებშიც გაიხსნება.

"საბვეის" ბრენდი, აშშ-ში 1965 წელს დაარსდა და იგი სენდვიჩების რესტორნების მსოფლიოში ყველაზე დიდ ქსელს აერთიანებს. დღეისათვის "საბვეი" ყველაზე მზარდი გლობალური ფრენჩაიზია და მისი ქსელი 102 ქვეყანაში 42000-მდე რესტორანს ითვლის. საბვეის რესტორნები ახალი, ჯანსაღი ინგრედიენტების გამოყნებით და მომხმარებელებისათვის განსაკუთრებით მაღალი ხარისხის მომსახურებით გამოირჩევა.