სრულიად საქართველოს კათოლიკოს პატრიარქმა უწმინდესმა და უნეტარესმა ილია მეორემ სამების საკათედრო ტაძარში აფხაზეთში დაღუპულებისთვის პანაშვიდი გადაიხადა. როგორც უწმინდესმა ქადაგებისას ბრძანა საქართველო ყოვლადწმინდა ღვთისმშობლის წილხვედრი ქვეყანაა და შევთხოვთ ღვთისმშობელს, რომ თავისი მფარველობა გაუწიოს საქართველოს.
,,საქართველო არის წილხვედრი ყოვლადწმინდა ღვთისმშობლისა და ჩვენ შევთხოვთ ღვთისმშობელს, რომ თავისი მფარველობა გაუწიოს საქართველოს და ასევე იმათ, რომლებიც შეეწირნენ საქართველოს მთლიანობას. დღეს ჩვენ ვასრულებთ პანაშვიდს და ვლოცულობთ მათთვის, რომლებიც დაიღუპნენ აფხაზეთში, რომლებიც თბილისში მოდიოდნენ და ვიღაცამ მათი თვითმფრინავი ააფეთქა", - ბრძანა ილია მეორემ.
