ბათუმში ინფრასტრუქტურული სამუშაოები გრძელდება. ბათუმის მერიის ინფორმაციით, დასასრულს უახლოვდება აღმაშენებლის ქუჩის სარეკონსტრუქციო სამუშაოები. პროექტის ფარგლებში, სრულად გამოიცვალა სანიაღვრე ქსელი, მოწესრიგდა ქუჩის სავალი ნაწილი - დაიგო ასფალტ-ბეტონის საფარი და დეკორატიული ფილები, მოეწყო ბაზალტის ბორდიურები. მოწესრიგდა გარეგანათების სისტემაც.
ამ ეტაპზე, მიმდინარეობს ტაბიძიდან ტბელ აბუსერიძის ქუჩამდე მონაკვეთში ასფალტის დაგების მოსამზადებელი სამუშაოები. ქუჩის რეკონსტრუქცია ივნისის ბოლოს დასრულდება.
გარდა ამისა, მიმდინარეობს ბათუმთან შემოერთებულ ტერიტორიებზე გზების ბეტონის საფარით მოწყობის სამუშაოები. პირველ ეტაპზე ბეტონის საფარი პრობლემურ მონაკვეთებში - 455 კბმ ტერიტორიაზე დაიგო. II ეტაპის სამუშაოები 1668 კბმ ტერიტორიის ბეტონით მოწყობას ითვალისწინებს.
ამ პერიოდისთვის სამუშაოები მწვანე კონცხის უბანში, თამარის გამზირის III შესახვევში მიმდინარეობს.
ბეტონის საფარის მოწყობის სამუშაოები მიმდინარე წლის სექტემბრისთვის უნდა დასრულდეს.
მასალის გამოყენების პირობები
